వేతన సంరక్షణ ( P A Y P R O T E C T I O N):
◇ఒక ఉద్యోగంలో రెగ్యులర్ గా నియమించబడి ఉద్యోగం చేస్తున్న ఉద్యోగి, తిరిగి మరొక ఉద్యోగానికి పబ్లిక్ సర్వీస్ కమిషన్ ద్వారా ఎంపిక కాబడి నియమించబడిన సందర్భాల్లో వెనుకటి పోస్టులో అతడు పొందుతున్న జీతం కంటే తక్కువ కాకుండా కొత్తపోస్టులో అతని వేతనం స్థిరీకరించాల్సి ఉంది. దీనినే మనము వేతన సంరక్షణ (Pay Protection) అందురు.
◇గతంలో ఉద్యోగులకు, టీచర్లకు పే ప్రొటెక్షన్ కల్పిస్తూ రాష్ట్ర ప్రభుత్వం తేదీ: 02.06.2011 నాడు GO 105 జారీచేసింది. తర్వాత… 19 ఫిబ్రవరి, 2014లో…. అప్పటి ఉమ్మడి ఆంధ్రప్రదేశ్ ప్రభుత్వం 45, 46 నంబర్ జీవోలు ఒకేరోజు జారీచేసి 02.06.2011 నుంచి 31.12.2013 మధ్యకాలంలో ఎంపికైన పంచాయత్ రాజ్ టీచర్లు, ఉద్యోగులకు పే మరియు సర్వీస్ ప్రొటెక్షన్ల సౌకర్యాన్ని పొడిగించింది.
◇ 01.01.2014 నుంచి ఈరోజు వరకు ప్రభుత్వ ఉద్యోగంలో చేరిన, చేరుతున్న, చేరబోయే టీచర్లు,ఉద్యోగులకు పే, సర్వీస్ ప్రొటెక్షన్ జీవోలు విడుదల కాలేదు.
◇ఉద్యోగం చేస్తూ సర్వీసు కమీషను ద్వారా గాని,జిల్లా ఎంపిక సంఘం(DSC) ద్వారా గానీ మరొక ఉద్యోగానికి ఎంపిక అయిన వారు తమ మొదటి ఉద్యోగానికి రాజీనామా చేసినయెడల వెనుకటి ఉద్యోగంలోని బెనిఫిట్స్ అన్ని కోల్పోతారు.
