గ్రాట్యుటీ
CPS ఉద్యోగులకు డెత్ కమ్ రిటైర్మెంట్ గ్రాట్యుటీ అమలుచేస్తూ GO MS NO.107 తేదీ 29.06.2017 న ఉత్తర్వులు జారీ చేసింది. దీని ప్రకారం ఉద్యోగి రిటైర్ అయినా లేక సర్వీస్ లో ఉంటూ మరణించినా గ్రాట్యుటీ కి అర్హుడు.
రిటైర్మెంట్ గ్రాట్యుటీ:
ఏళ్ల తరబడి చేసిన పనికి ప్రతిఫలంగా కంపెనీ చెల్లించే మొత్తమే ‘గ్రాట్యుటీ’, రిటైరయ్యాకనో, ఉద్యోగం వదిలేస్తేనో లేదా ఉద్యోగం నుంచి తొలగిస్తేనో… కంపెనీ ఆ వ్యక్తికి గ్రాట్యుటీని చెల్లిస్తుంది. ఏదైనా సంస్థలో పనిచేసిన ఉద్యోగి ఉద్యోగం మానేసినా, రిటైరైనా గ్రాట్యుటీ రూపంలో కొంత మొత్తాన్ని పొందుతారు. 1972లో గ్రాట్యుటీ చెల్లింపు చట్టం (Payment of Gratuty Act, 1972) రూపొందించింది. దీని ప్రకారమే కంపెనీలు నిర్ధారిత నియమాలు, షరతులకు లోబడి, ఉద్యోగులకు గ్రాట్యుటీ చెల్లింపులు చేయడాన్ని ప్రభుత్వం తప్పనిసరి చేసింది. ఈ నిబంధనలు ఉద్యోగులు, సంస్థలు… ఇద్దరికీ వర్తిస్తాయి. ఏడాదికీ, రెండేళ్లకే ఉద్యోగాలు మారుతుంటే మీకు గ్రాట్యుటీ ఎప్పటికీ అందని ద్రాక్ష, ఏదైనా కంపెనీలో ఐదు లేదా అంతకన్నా ఎక్కువ సంవత్సరాలు పనిచేసినవారే గ్రాట్యుటీకి అర్హులవుతారని చట్టం చెబుతోంది
ఫ్యామిలీ పెన్షన్:
CPS ఉద్యోగులకు సర్వీసు లో ఉండగా మరణిస్తే ఫ్యామిలీ పెన్షన్ మంజూరు చేస్తూ GO MS No.121 తేదీ 18.07.2017 ఉత్తర్వులు జారీ అయ్యాయి. అయితే ఫ్యామిలీ పెన్షన్ కావాలనుకునేవారు వారి CPS ఖాతాలో నిల్వ ఉన్న మొత్తాన్ని ప్రభుత్వ పద్దుకు (0071-01-101-06) జమ చేయవలసి ఉంటుంది. ఫ్యామిలీ పెన్షన్ అవసరం లేని వారు సిపిఎస్ ఖాతాలో నిల్వ ఉన్న మొత్తాన్ని పొందవచ్చు.
★G.O.M.S No 47, Dated: 20-04-2018 ప్రకారం ప్రభుత్వ CPS ఉద్యోగులకు ఇంవాలిడేట్/ఫ్యామిలీ పెన్షన్ గ్రాట్యుటీ సాంక్షన్ కొరకు AG ,ఆంధ్రప్రదేశ్ వారికి దరఖాస్తు చేయాలి. Class-IV మరియు తక్కువ వేతనం పొందే Police constables, Head constables, Excise constables & Forest guard వారికి ఆ జిల్లా లోకల్ ఫండ్ ఆడిట్ డిపార్ట్మెంట్ కి చెందిన ఆడిట్ అధికారి అధీకృత అధికారి గా ఉంటారు.
How much to pay Gratuity?
ప్రభుత్వ పెన్షన్ పోర్టల్ ప్రకారం గ్రాట్యుటీ అనేది 15 రోజుల బేసిక్ శాలరీ, డీఏల మొత్తానికి సమానం. ఇది రెండు అంశాలపై ఆధారపడి ఉంటుంది. మొదటిది వేతనం, రెండోది ఎంతకాలం పనిచేశారనే సర్వీస్ పీరియడ్. ఆరునెలలు అంతకన్నా ఎక్కువ కాలం ఉన్నసమయాన్ని సంవత్సరంగానే లెక్కిస్తారు. ఎన్ని సంవత్సరాలు పనిచేశారో అంత కాలానికి ఏడాదికి 15 రోజుల బేసిక్ శాలరీ, డీఏలను లెక్కించి, దీన్ని చెల్లిస్తారు. గ్రాట్యుటీకి కనిష్ట పరిమితి ఆంటూ ఏమీ లేదు. కానీ గరిష్ట పరిమితి రూ.20 లక్షలు. ఉద్యోగం మానేసినా, రిటైర్మెంట్ తర్వాత ఆయినా 30 రోజులలోపు గ్రాట్యుటీకి దరఖాస్తు చేసుకోవచ్చు. చివరి వేతనం+DA కు 16.5 రెట్లు గరిష్ట పరిమితి తో 12 లక్షలు మించకుండా చెల్లించబడును.
