AP Govt Extends Service of Contract Faculty in AP Model Schools

అమరావతి, మే 19:

ఆంధ్రప్రదేశ్ ప్రభుత్వం మోడల్ పాఠశాలల్లో పని చేస్తున్న కాంట్రాక్ట్ అధ్యాపకులకు శుభవార్త చెప్పింది. రాష్ట్రంలోని మోడల్ పాఠశాలల్లో పనిచేస్తున్న 282 మంది కాంట్రాక్ట్ అధ్యాపకుల (211 PGTs, 71 TGTs) సేవలను మరో 11 నెలల పాటు పొడిగిస్తూ GO.RT NO 186 Dt 19.05.2025 న ప్రభుత్వం ఉత్తర్వులు జారీ చేసింది.పాఠశాల విద్యా డైరెక్టర్ నుండి వచ్చిన ప్రతిపాదనను పరిశీలించిన ప్రభుత్వం, ఈ నిర్ణయాన్ని తీసుకుంది. జూన్ 1, 2025 నుంచి ఏప్రిల్ 30, 2026 వరకు ఈ పొడిగింపు వర్తించనుంది. ఈ కాలంలో ఒక నెల విరామం ఉండనుంది. ‘పని లేనప్పుడు జీతం లేదు’ అనే నిబంధనతో ఈ విరామాన్ని అనుమతించారు. విద్యా సంవత్సరంలో బోధన కార్యక్రమాలు మరియు పరిపాలనా పనులు నిరాఘాటంగా సాగేందుకు ఈ ఉత్తర్వులు ఇచ్చినట్లు పేర్కొన్నారు. ఫైనాన్స్ (HR-II) విభాగం ఆమోదం అనంతరం ఈ ఉత్తర్వులు జారీ అయ్యాయి.ఈ ఉత్తర్వులను పాఠశాల విద్యా శాఖ కార్యదర్శి శ్రీ కోన సశిధర్ గారు విడుదల చేశారు. సంబంధిత అధికారులు తదుపరి చర్యలు తీసుకోవాలని ప్రభుత్వం ఆదేశించింది.

ప్రధాన అంశాలు:

1. 282 మంది కాంట్రాక్ట్ అధ్యాపకులకు సేవల పొడిగింపు – 11 నెలల కాలానికి.
2. 2025 జూన్ 1 నుండి 2026 ఏప్రిల్ 30 వరకు ఈ గడువు వర్తించనుంది.
3. ఈ సిఫారసు పాఠశాల విద్యా డైరెక్టర్ నివేదిక ఆధారంగా ప్రభుత్వం ఆమోదించింది.
4. ఈ ఉత్తర్వులు ఫైనాన్స్ (HR-II) విభాగం అనుమతితో విడుదలయ్యాయి.
5. తదనుగుణంగా, పాఠశాల విద్యా డైరెక్టర్ తదుపరి చర్యలు చేపట్టాల్సి ఉంటుంది.

Download GO Copy.